Sputnik Qyrǵyzstan jarııa etkendeı, eks-prezıdent 14 jeltoqsanda uly Ilımmen birge Bishkekke oraldy. Buǵan Qumtor isi boıynsha aıǵaqtar berý sebep boldy.
Aqaevtyń jaqyndary habarlaǵandaı,ol UQKU kelisimi boıynsha eline eki-úsh kúnge ushyp kelgen.
«Aqaev Qumtor týraly is boıynsha kýálik beredi. Bul joly burynǵy prezıdent Kemınge barmaıdy, ol tergeýdiń barlyq suraqtaryna jaýap berýge nıetti», deıdi eks-prezıdenttiń týystary.
Eske sala ketsek, 2 tamyzda Aqaevtyń Qyrǵyzstanǵa Qumtor ken orny týraly is boıynsha aıǵaqtar berý úshin jetkizilgeni belgili boldy. Bul onyń «Qyzǵaldaq tóńkerisinen» keıingi eline birinish ret oralǵany boldy. Eks-prezıdent otanynda birneshe kún ótkizip, Máskeýge qaıta oraldy.
Asqar Aqaev 1991 jyldan 2005 jylǵa deıin Qyrǵyzstan Respýblıkasynyń prezıdenti boldy. Elde jappaı ereýilder bastalǵannan keıin ol otstavkaǵa ketýge májbúr boldy. 2005 jyldan bastap Reseıde turady.
Qumtor - janjaldyń ortasynda bolǵan altyn ken orny. 2021 jyly respýblıkada sybaılas jemqorlyqqa qarsy iri naýqan bastaldy, onyń barysynda birqatar sheneýnikter ustaldy. Olardyń qatarynda eks-depýtattar men premer-mınıstrler bar. Olarǵa Qumtor ken ornyn ıgerý jobasyn iske asyrýdyń ártúrli kezeńderinde sybaılas jemqorlyq áreketterin jasady degen aıyp taǵyldy.
