Aýdan ákimdiginde habarlaǵandaı, 10 jeltoqsanda óńirde azamattardyń patrıottyq sezimin arttyrý maqsatynda «Terezedegi tý» aksııasy ótken.
«Bul aksııaǵa barlyq memlekettik qurylymdarmen qatar Panfılov aýyldyq okrýginiń ákimdigi de qatysty. Aýyldyq ákimdik bóliminiń mamany osy úıde turatyn otbasylardan olardyń balkondaryna jalaýlar ilý úshin aldyn ala ruqsat aldy. Turǵyndar qýana kelisti.
О́kinishke oraı, kelisilgen ýaqytta úıde bir ǵana otbasy boldy. Nátıjesinde maman tek bir týdy ile aldy. Biraq páter ıeleriniń ruqsaty bolǵandyqtan, maman qalǵan jalaýlardy fotoshop baǵdarlamasy arqyly salýǵa sheshim qabyldady. Biraq keıin bul sýret sol kúni joıyldy», dep túsindirdi Talǵar aýdany ákimdiginiń baspasóz qyzmeti.
Alaıda, sýret blogerlerdiń qolyna tıip, áleýmettik jelide tarala bastady.
«Bólim mamanynyń áreketinde zańǵa qaıshy eshteńe bolǵan joq. Onyń ústine, qyzmetkerdiń memlekettik rámizderdi teriske shyǵarýǵa nıeti bolǵan joq. Ol óziniń qateligin moıyndap, sýretti joıdy. Biraq blogerlerdiń jarııalanymy áleýmettik jelilerde tez tarady», dep tolyqtyrdy ákimdik.
Eske sala ketsek, Panfılov aýyldyq okrýginiń ákimdigi kóp qabatty úıdiń balkonyna Qazaqstannyń týyn jelbiretken bolatyn. Bul týraly ákimdiktiń Instagram-daǵy paraqshasynda jarııalandy.
