Onyń aıtýynsha, sáýir aıynan beri departament mamandary vaksınanyń tolyq kýrsynan ótken adamdarǵa 42-45 kún ótkende koronavırýs aýrýyna qatysty monıtorıng júrgizip keledi.
«Qalada aýrýǵa qaıta shaldyqqandardyń jalpy sany - 3 239 jaǵdaı. Bul vaksınanyń tolyq kýrsyn alǵan 987 myńnan astam adamnyń 0,33 paıyzy. Vaksınanyń tolyq kýrsyn alǵan soń Almaty qalasynda koronavırýs juqtyrǵandar kórsetkishi mynandaı: «Spýtnık V» – 0,37%, Hayat-Vax – 0,26%, «Sınovak» – 0,19%, QazCovid-in (QazVas) – 0,17%. Vırýs juqtyrǵandardyń basym kópshiliginde syrqat jeńil ótken», dedi ol.
Sonymen qatar ol otandyq QazCovid-in vaksınasyn alǵandar arasynda qaıta vıýrs juqtyrý tómen ekenin aıtty.
«Statıstıkaǵa qarasaq, koronavırýspen qaıta aýyrǵandar arasynda eń tómengi kórsetkish otandyq ǵalymdar jasap shyqqan QazCovid-in vaksınasyn alǵandar. Onyń ústine otandyq vaksınany alǵandarda ekpeniń janama áseri az bolǵan. Sondaı-aq vaksınanyń tıimdiligi uzaq ýaqytqa jetkeni baıqaldy. Osyǵan oraı dárigerler revaksınasııaǵa QazCovid-in laıyqty degen sheshimge keldi», dedi Jandarbek Bekshın.
