Qurmetti otandastar!
Ardaqty aǵaıyn!
Barshańyzdy qasterli Táýelsizdigimizdiń mereıli belesimen shyn júrekten quttyqtaımyn! Biz osydan 30 jyl buryn babalar armanyn aqıqatqa aınaldyrdyq. Jańa Qazaq memleketi qurylǵanyn dúnıe júzine pash etip, Táýelsizdigimizdi jarııaladyq. Birneshe ǵasyrdan beri úzilip qalǵan derbes memlekettilik dástúrimizdi qaıta jalǵadyq. Shyn máninde egemendik – eldiń bárine buıyra bermeıtin baq. Álemde san mıllıon halqy bolǵanymen, ultaraqtaı jeri joq qanshama ult bar. Al, qazaqtyń peshenesine óz memleketin qurý baqyty jazyldy. Bul – uly baqyt, ulttyń baqyty! Budan asqan qýanysh, budan bıik mártebe bar ma?!», dedi Memleket basshysy.
QR Prezıdenti Táýelsizdik eń qasıetti, qasterli qundylyǵymyz, eń basty baılyǵymyz ekendigin basa aıtty.
«Halqymyz Egemendiktiń qadir-qasıetin jan-júregimen sezinedi. О́ıtkeni, biz azattyqtyń quny qandaı ekenin jaqsy bilemiz. Bostandyq jolynda talaı batyrlarymyz qurban boldy. Qanshama qıyn kúnder basymyzdan ótti. Biraq, halqymyz barlyq synaqty qaıyspaı kóterdi», dedi Qasym-Jomart Toqaev.
