«Al ult saýlyǵyn saqtaý úshin memleketimizde buqaralyq sportpen jáne dene shynyqtyrýmen aınalysýǵa jaǵdaı jasalýda. Elimizde 38 sport nysany boı kóterdi, 8 myńǵa jýyq sport alańy salyndy», dedi Prezıdent.
Ol, sondaı-aq, azattyqa qol jetkizgeli beri tól mádenıetimiz ulyq deńgeıge kóterilip, qaıta órleý kezeńine qadam basqanyn qosa aıtty.
«Aýqymdy «Mádenı mura» baǵdarlamasy júzege asyryldy. Kóptegen qundy jádigerimiz eldiń ıgiligine aınaldy. Tarıhı-mádenı muralar ınfraqurylymy birtindep keńeıtilýde. 9 memlekettik qoryq-mýzeı quryldy. Úzdik ádebı týyndylarymyz alǵash ret álem tilderine aýdaryldy. Egemendik jyldarynda Qazaqstanda 20 teatr ashyldy. Ult kınosy álemge tanyla bastady. Qazaq mádenıetiniń jańa shoǵyry áıgili sahnalarda óner kórsetýde», dep túıindedi Qasym-Jomart Toqaev.
