Egemen eldiń Eltańbasy

Munda egemen eldiń Eltań­basyn jasaǵan avtor Jandarbek Málibekulynyń ómir joly men shyǵarmashylyǵy, tyń týyn­dylarynyń túpnusqa jobalary, qoljazbalary men súbeli suhbat­tary, jarııalanǵan eńbekteri, foto-beınematerıaldary Táýelsizdiktiń 30 jyldyǵy, Ulttyq arhıvtiń 15 jyldyǵy qarsańynda máńgilik saqtaýǵa alyndy.

Saltanatty is-sharaǵa memleket qaıratkeri, qujattanýshy Mirbolat Jaqypov, fılologııa ǵylymdarynyń doktory, professor Serik Negımov, jazýshy Joltaı Jumat-Álmashuly, saıası ǵylymdar dok­tory, professor Ábdijálel Qosh­qar­uly, Qazaq ulttyq óner ýnı­ver­sıtetiniń profes­sory Baı­qońyr Ijanuly, Qol­jaz­balar jáne sırek kitaptar ulttyq orta­lyǵynyń basshysy Jandos Bol­dyqov syndy belgili tulǵalar qatysty.

Qazaqstan Respýblıkasy Ult­tyq arhıviniń dırektory Sa­ǵıla Esimseıitqyzy Ult­tyq arhıv­tiń jeke tektik qoryna qabyl­danǵan Jandarbek Máli­bekul­ynyń qun­dy qujattary men qoljazba-syzbalarynyń qanshalyqty ma­ńyzdy ekenin aıta kelip, Eltańba avtorynyń úlgi bolarlyq bas­tamasyna alǵysyn bildirdi. «Mem­leketimizdiń Eltańbasynyń avtory retinde ǵana emes, kóptegen eldegi sáýletti ǵımarattardyń arhıtektory retinde, qazaq hal­qynyń sanǵasyrlyq sáýlet ónerin boıyna sińirgen dara tulǵa retindegi sizdiń qundy jazbalaryńyz ben eskızderińiz Ulttyq arhıv qo­rynda keleshek urpaqqa amanat retinde saqtalatyn bolady», dep atap ótti S. Esimseıitqyzy.

S.Negımov Eltańbanyń árbir detaline toqtalyp, kıiz úı týraly, jylqynyń eń alǵash qolǵa úıretilgeni týraly qyzyqty máli­metterimen bólisti. Al J.Ju­mat-Álmashuly jýyrda Eltańba avtory Jandarbek Má­libekuly týraly pesa jazyp shyqqanyn jáne ol týyndy jaqyn arada el teatrlarynda qoıylatynyn súıin­shiledi. О́z kezeginde saltanat­ty sharaǵa shaqyrylǵan mártebeli meımandar Jandarbek Málibekulynyń el bile bermeıtin qy­rlary, El­tańbanyń elimiz úshin ma­ńyzy týraly jan-jaqty má­li­metterimen bólisip, atalǵan sha­ra­nyń mán-mańyzyn ulǵaıta tústi.

Kesh sońynda Jandarbek Máli­bekuly Ulttyq arhıv ujy­myna alǵysyn bildire kele, kóziniń qa­ra­shyǵyndaı saqtap kelgen dú­nıe­­sin keleshek ur­paq­qa jetkizer degen úlken senimmen tabystap otyrǵanyn aıtty.«Tarıhty saq­taıtyn arhıv. Sondyqtan el aǵa­lary erteńgi urpaqqa úlgi bolatyndaı qundy dúnıelerin arhıv qoımalaryna tabys etýdi qolǵa alý kerek», dedi.

Sonymen qatar Ulttyq arhıv­tiń dırektory Saǵıla Nurla­novaǵa alǵys retinde óz jobasymen quıy­lyp ázirlengen, Eltańba pishi­nindegi áshekeı boıtumardy syılady. Máńgilik eldiń qorjy­nyn­da máńgilikke saqtaýǵa alyn­ǵan bul altyn qor bolashaq urpaq­tyń otansúıgishtigi men ultjan­dy­lyǵyn oıatatyn, maqtan etetin rýhanı mura dep bilemiz.