Qazirgi jaǵdaı men atqarylyp jatqan jumystar týraly QR Saýda jáne ıntegrasııa mınıstri Baqyt Sultanov, Aýyl sharýashylyǵy mınıstri Erbol Qarashókeev, Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov, Nur-Sultan qalasynyń ákimi Altaı Kólginov, Shyǵys Qazaqstan oblysynyń ákimi Danıal Ahmetov, Soltústik Qazaqstan oblysynyń ákimi Qumar Aqsaqalov, Qyzylorda oblysynyń ákimi Gúlshara Ábdiqalyqova, Pavlodar oblysynyń ákimi Ábilqaıyr Sqaqov, Almaty oblysynyń ákimi Qanat Bozymbaev jáne taǵy basqalar baıandady.
О́tken aptada Qazaqstanda áleýmettik mańyzy bar azyq-túlik taýarlarynyń baǵasy 0,1% tómendedi. Túrkistan oblysynda 0,6%, elordada 0,3%, Shymkent qalasynda jáne Mańǵystaý oblysynda 0,2%, Almaty qalasynda jáne Qaraǵandy oblysynda 0,1% baǵanyń tómendeýi tirkeldi.
Jalpy, respýblıka boıynsha kókónister baǵasynyń tómendeýi jalǵasýda. Qalǵan basqa ónimderdiń baǵalary turaqty. 2021 jyly 769,3 myń tonna ónimge, onyń ishinde 684 myń tonna jumsaq bıdaıǵa kelisimshart jasaldy. Qazirgi ýaqytta 559 myń tonna nemese kelisimshart jasalǵan kólemniń 72,7% jetkizildi.
Qazirgi tańda Básekelestikti qorǵaý jáne damytý agenttigi naryq sýbektileriniń atyna 113 habarlama jiberdi, 16 tergeý júrgizdi, óndirýshilermen, kóterme jetkizýshilermen jáne saýda jelilerimen saýda ústemesin 15-ten 10% deıin tómendetý týraly monopolııaǵa qarsy komplaenstiń 192 aktisin jasady.
Saýda ústemesin kóterýdiń 75 faktisi anyqtaldy. Bıylǵy 10 jeltoqsannan bastap Qazaqstannyń jumyrtqa óndirýshiler qaýymdastyǵy respýblıkanyń barlyq qus fabrıkalary boıynsha taýyq jumyrtqasynyń baǵasyn 16% bir danasyna 37 teńgeden 32-31 teńgege deıin tómendetti.
Premer-Mınıstr ortalyq memlekettik jáne jergilikti atqarýshy organdarǵa qoldanystaǵy barlyq quraldardy paıdalaný arqyly áleýmettik mańyzy bar azyq-túlik ónimderiniń baǵasyn turaqtandyrý jáne tómendetý jumysyn odan ári jalǵastyrýdy tapsyrdy.
