Qala ákimi kópshilikti eskertkishtiń ashylýymen quttyqtap, is-sharanyń mańyzdylyǵyna toqtaldy.
- Kúni keshe otandastarymyz el Táýelsizdiginiń 30 jyldyq merekesin sán-saltanatymen atap ótti. Bolashaǵyn baıandy etken memleket, óz tarıhyn aıryqsha qasterlep, dara tulǵalaryn, el bolyp eńse kóterýge qyzmet etken asyl azamattaryn erekshe qurmetke bóleıdi. Ýaqyt ozǵan saıyn ult azattyǵy úshin aıanbaı kúresken Alash qaıratkerleriniń danalyǵyn, daralyǵyn, kemeńgerligin aıqyn sezinip kelemiz. Olardyń ómir joly biz úshin, bolashaq urpaq úshin – taǵylym alar tárbıe. Mundaı keshender – jastarymyzdy otanshyldyqqa tárbıelep, óz eline, jerine, ótkeni men bolashaǵyna degen syı-qurmetti qalyptastyrý quraly dep bilemiz, dedi qala ákimi.
Kompozısııalyq músin Shymkent qalasynyń ortalyq saıabaǵy aýmaǵynda ornalasqan. Tuǵyr granıtpen qaptalǵan. Músinderdiń bıiktigi - ortasha eseppen 210 sm. Tuǵyrdyń uzyndyǵy - shamamen alty metr, eni - shamamen úsh metr.
Jınalǵandar kompozısııalyq músinge gúl shoqtaryn qoıdy.
