Jalpy, «Túrki álemi» festıvalin alǵash uıymdastyryp, jón-josyǵyn kórsetip jolǵa qoıyp ketken talantty kúıshi, Qostanaıdaǵy qazaq orkestrin quryp, qalyptastyrǵan marqum Nazymbek Moldahmetov edi. Bıylǵy festıvaldyń shymyldyǵyn da oblystyq fılarmonııanyń Nazymbek Moldahmetov atyndaǵy halyq aspaptar orkestri ashty.
Qostanaılyq kórermender eki kún qatarynan qazaq halqynyń dástúrli mýzykalyq ónerin, kóne saz aspaptaryn zamanaýı baǵytta qaıta jańǵyrtyp, keńinen nasıhattap júrgen «Turan» folklorlyq-etnografııalyq ansambli, baýyrlas Bashqurt elinen kelgen «Respýblıka» otbasylyq ansambli, Tashkentten kelgen «Nılıýfar» toby, Bishkek qalasynyń «Akak» ansambli, Ystanbuldaǵy Túrik mýzykasy memlekettik konservatorııasynyń ustazy, opera ánshisi Gıýlaram Baltaeva, osy bilim oshaǵynyń professory, kavalshy Jıhan Iýrtchýnyń ónerin tamashalady.
Gala konsertte qazaq, túrikmen, túrik ánderin áýeletken Gıýlaram Baltaeva da kórermen qaýymnyń ystyq yqylasyna bólendi. Al Ýfadan kelgen «Respýblıka» otbasylyq ansambli «Oral taýlary» atty ımprovızasııalyq kompozısııany tartý etti. Top múshesi Leısan Zeınetdınovanyń aıtýynsha, otbasylyq ansambl quramynda bári bir áýletten taraǵan 74 adam bar. Ansambl jetekshisi, Bashqurtstannyń halyq ártisi Mındıgafýr Zeınetdınov qobyzben qazaq kúılerin tartty.
О́zbekstannyń halyq ártisi Farýh Sadykov Qostanaı halyq aspaptar orkestri oryndaǵan birneshe týyndyǵa dırıjerlik etti. О́nerpazdyń aıtýynsha, «Túrki álemi» sııaqty mańyzdy halyqaralyq sharalar baýyrlas halyqtardyń mádenı baılanysyn nyǵaıta túsedi.
Festıvaldyń aıaǵyna taman álemniń ár túkpirinen kelgen óner ujymdary birlesip, Qurmanǵazynyń «Balbyraýyn» kúıin kúmirletti.
Qostanaı oblysy
