Bilim alýshylardyń 64%-y TMD elderinen kelgen.
«Qazaqstandyq ýnıversıtetter túrli halyqaralyq bilim berý kórmelerine belsendi qatysýda. Máselen, osy jyldyń qarasha aıynda Qazaqstannyń Qyrǵyzstan astanasy Bishkek pen О́zbekstan astanasy Tashkent qalalarynda qurylǵan kúnderi ótkizildi. Osylaısha, basqa elderdiń azamattary bizdiń joǵary oqý oryndarymyz týraly aqparat ala alady. Sonymen qatar, bizdiń ýnıversıtetterimiz sheteldik stýdentterge arnaıy bilim granttaryn bólip otyrady. Negizinen, sheteldik stýdentter «Medısına», «Pedagogıkalyq ǵylymdar», «Bıznes, basqarý jáne quqyq», «Áleýmettik ǵylymdar» baǵyttaryn tańdaıdy», dep atap ótti QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.
Bilim berý qyzmetteriniń eksportyn yntalandyrý tetikteriniń biri – sheteldik azamattar úshin stıpendııalyq baǵdarlamany iske asyrý. Ol QR Bilim jáne ǵylym mınıstrligimen 2019 jyly iske qosyldy. Baǵdarlama sheteldik stýdentterge, onyń ishinde Qazaqstan azamattary bolyp tabylmaıtyn ulty qazaq adamdarǵa granttar bólýdi kózdeıdi.
Osy baǵdarlamany iske qosýdyń birinshi jylynda qazaqstandyq joǵary oqý oryndarynda tegin oqý múmkindigin úlgerimi joǵary 89 sheteldik azamat aldy. 2021 jyly bul san 2,5 eseden astam ósti jáne joǵary jáne joǵary oqý ornynan keıingi bilim berýdiń barlyq deńgeıleri boıynsha 240 grantqa jetti.
Aıta ketsek, bıyl qazaqstandyqtar úshin rekordtyq 56 myń grant bólindi. Sonymen qatar, qazaqstandyq joǵary oqý oryndarynda aǵylshyn tilinde bilim berý baǵdarlamalarynyń sany edáýir artty. Álemdik tájirıbege súıene otyryp, joǵary oqý oryndary bilikti sheteldik mamandardy tartady. Olar qazaqstandyq joǵary oqý oryndarynyń basshylarymen, oqytýshylarymen tájirıbe almasyp, stýdentterdi jańa tehnologııalarǵa, ǵylymı zertteý ádistemelerine oqytady.
Sonymen qatar, qazaqstandyq joǵary oqý oryndary jyldan jylǵa halyqaralyq bilim berý keńistiginde óz pozısııalaryn nyǵaıtýda. Mysaly, QS reıtıngine 14 qazaqstandyq JOO, Times Higher Education-ge 3 ýnıversıtet kirdi.
