«Elorda ákiminiń orynbasary Malıka Bekturova basqa jumysqa aýysýyna baılanysty 15 jeltoqsannan bastap qyzmetinen bosatyldy», dep habarlady ákimdiktiń baspasóz qyzmeti.
Ol - ekonomıka ǵylymdarynyń kandıdaty. 2001 jyly Kentýkkı ýnıversıtetin (AQSh) «Saıasattaný» mamandyǵy boıynsha bitirdi. 2003 jyly Abaı atyndaǵy Almaty memlekettik ýnıversıtetin «Qarjy jáne nesıe» mamandyǵy boıynsha bitirgen. 2003 jyly «Indýstrııalyq saıasat jáne saýda (TQ)» mamandyǵy boıynsha Koreı damý ınstıtýtyn aıaqtady. 2004 jyly Garvard ýnıversıtetin «Memlekettik basqarý» mamandyǵy boıynsha bitirgen. Onyń eki magıstr dárejesi bar.
Eńbek jolyn 2002 jyly Qarjy mınıstrliginde jetekshi maman bolyp bastady. Ekonomıka jáne bıýdjettik josparlaý mınıstrliginde jetekshi maman, Indýstrııa jáne saýda mınıstrliginde bas maman, Kólik jáne kommýnıkasııa mınıstrliginde bólim basshysy, basqarma basshysy jáne departament dırektory bolyp jumys istedi.
2006 jyly qazannan bastap ákim orynbasary laýazymyna taǵaıyndalǵanǵa deıin Malıka Bekturova 2016 jyly Astana qalasynyń kásipkerlik jáne ónerkásip basqarmasynyń basshysy bolyp jumys istedi.
