«Jaıyq ózeni basseınindegi ekologııalyq ahýaldy jaqsartý maqsatynda Reseı tarapymen birlesken is-sharalar barysynda 2020 jylǵy 4 jeltoqsanda «Jaıyq transshekaralyq ózeni basseıniniń ekojúıesin saqtaý jáne qalpyna keltirý jónindegi 2021-2024 jyldarǵa arnalǵan Qazaqstan-Reseı yntymaqtastyǵy baǵdarlamasyna» qol qoıyldy jáne ózen sýyn arttyrý máselesin birlesip sheshý úshin «Iri ózender basseınderinde (Jaıyq, Ertis jáne basqalary) zertteýler júrgizý boıynsha yntymaqtastyqty jandandyrýdyń biryńǵaı jol kartasy» bekitildi» delingen Roman Sklıardyń Májilis depýtattary saýalyna bergen jaýabynda.
Onyń atap ótýinshe, baǵdarlamanyń birinshi baǵyty aıasynda «Jaıyq transshekaralyq ózeniniń basseınindegi aǵyndy retteýdiń saldaryn ekologııalyq baǵalaý jáne Jaıyq transshekaralyq ózenin saqtaý jáne qalpyna keltirý boıynsha ǵylymı negizdelgen usynystar ázirleý» taqyryby boıynsha ǵylymı-zertteý jumysyna tehnıkalyq tapsyrma ázirlendi.
«Budan basqa, kóktemgi ór sýy keler aldynda transshekaralyq ózenderdiń gıdrometereologııalyq jaǵdaılaryn eskere otyryp, Reseı Federasııasymen sý bólý kólemin ulǵaıtý jumysy júrip jatyr. Atap aıtqanda Jaıyq ózenindegi sý deńgeıin maýsymaralyq kezeńde ustap turý úshin maýsym-tamyz aılarynda Irıkla sý qoımasynan sý ótimin sekýndyna 30 tekshe metrge deıin kóbeıtý týraly ýaǵdalastyqqa qol jetti», dep atap ótedi Roman Sklıar.
