Úndeýinde Bennet halyqtan betperde kıip, áleýmettik qashyqtyqty saqtaýdy surady. Sondaı-aq, jeke jumys berýshilerden óz jumysshylaryna múmkindiginshe úıden jumys isteýge ruqsat berýin surady. Ol jaqyn arada memlekettik sektor úshin qajet sheshimder qabyldanatynyn aıtty. Bennet ata-analardy balalaryna vaksına saldyrýǵa shaqyrdy.
«Balaǵa qarsy vaksına qaýipsiz. Bul - ata-analardyń mindeti. Balalaryńyzdy omıkron shtamynan saqtaý kerek. Baǵymyz bar, barlyǵyna qamqorlyq jasaıtyn elde ómir súremiz. Izraıl úkimeti vaksınalardy qoljetimdi etý úshin barlyq sharany qabyldap jatyr. Kez kelgen jolmen satyp alamyz, biraq saıyp kelgende, jaýapkershilik sizge, ata-analarǵa júkteledi», dedi ol.
Elde anyqtalǵan jaǵdaı sany 175-ke jetti, bul bir kún burynǵyǵa qaraǵanda 40-qa kóp. Osy 175 jaǵdaıdyń kópshiligi (113) Izraılge shetelden, sonyń ishinde Ońtústik Afrıka, Ulybrıtanııa, Fransııa, AQSh, BAÁ, Vengrııa, Italııa, Namıbııa, Tanzanııa, Germanııa, Marokko, Ispanııa, Serbııa, Belgııa, Kıpr jáne Túrkııadan kelgen.
