«Altaı» álem chempıonatynyń toptyq kezeńinde Brazılııanyń «Mınas» jáne Ystanbuldyń «Vakıfbank» klýbtarymen oınady. Jerlesterimiz ár qurlyqtyń úzdikteri jınalǵan birinshiliktegi alǵashqy kezdesýin byltyrǵy Ońtústik Amerıka qurlyǵynyń eń úzdik ujymy dep tanylǵan «Mınas» klýbymen ótkizip, úsh partııada 20:25, 22:25, 18:25 esebimen jeńilip qaldy. Ekinshi matchta Ystanbuldyń «Vakıfbank» ujymymen sheberlik baıqasqan «Altaı» bul joly da jeńildi. 2013, 2017 jáne 2018 jyldary klýbtyq álem chempıonatynda top jarǵan Túrkııa voleıbolshylary 3:0 (25:13, 25:10, 25:17) nátıjesimen jeńiske jetti.
Fınaldyq saıysta Italııanyń «Karraro Imoko» klýbynan 3:2 (25:15, 22:25, 25:22, 22:25, 15:7) esebimen basym túsken «Vakıfbank» tórt dúrkin álem chempıony degen ataqqa qol jetkizdi.
