Dúnıejúzilik densaýlyq saqtaý uıymynyń basshysy osylaı dep málimdedi. Ol sondaı-aq qazir mamandardy omıkron alańdatyp otyrǵanyn aıtty. О́ıtkeni qolda bar málimet boıynsha, bul shtamm deltadan da jyldam taraıdy. Sońǵy aqparat boıynsha, ótken aıda ǵana anyqtalǵan jańa mýtasııa álemniń 90-nan asa elinde tirkelgen.
«Omıkron tez taraıtyndyqtan, buǵan deıin indetpen aýyryp shyqqandar men ekpe saldyrǵandardyń vırýsty qaıta juqtyrý yqtımaldyǵy burynǵydan da joǵary bolýy múmkin. Bul baǵyttaǵy zertteýler áli jalǵasyp jatyr. Biz vırýstyń qalaı paıda bolǵanyn naqty bilýimiz kerek. Sonda bolashaqta qazirgideı jaǵdaı qaıtalanbaıdy», dedi DDU basshysy Tedros Adhanom Gebreıesýs.
