Bul týraly Lada.kz saıty jazady.
«Toyota Land Cruiser júrgizýshisi jaıaý júrginshiler ótkelinen ótip bara jatqan jaıaý júrginshini qaǵyp ketti. Nátıjesinde 29 jastaǵy áıel alǵan jaraqatynan oqıǵa ornynda kóz jumdy», dep habarlady oblystyń polısııa departamenti.
Bes jasar qyz Mańǵystaý oblystyq balalar aýrýhanasyna jetkizilgenimen, keıin ol da qaıtys bolǵany belgili boldy.
Atalǵan derek qylmystyq kodekstiń 345-baby 4-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn abaısyzda eki jáne odan da kóp adamnyń ólimine ákep soqqan jaǵdaıda buzýy» boıynsha sotqa deıingi tergep-tekserýdiń biryńǵaı tiziliminde tirkelgen.
Quqyq qorǵaý organdary qazirgi ýaqytta tergeý amaldary júrgizilip jatqanyn málimdedi. Sot-medısınalyq saraptama taǵaıyndaldy. Júrgizýshi ýaqytsha ustaý ızolıatoryna qamaldy.
