Elimizdiń barlyq óńirlerinde 2 myńnan astam dintanýshylar men teologtar túsindirý jumystaryn júrgizýde. Bul jumystyń negizgi baǵyttary – maqsatty jáne aqparattyq-túsindirý jumystary, destrýktıvti ıdeologııadan zardap shekkenderdi ońaltý jáne dinı ekstremızmge qarsy nasıhat júrgizý.
2021 jyldyń 11 aıynda 28 myń túrli formattaǵy is-sharalar, onyń ishinde 952 myń adamdy qamtyǵan maqsatty toptar arasynda 7,9 myń is-shara iske asyryldy. Bul sharalar jumyssyzdar, jastar, ózin-ózi jumyspen qamtyǵan azamattar, sottalǵandar jáne olardyń otbasy múshelerine jáne t. b. qaýip-qater toptarǵa nazar aýdara otyryp iske asyrylýda.
Aldyn alý sharalardyń biri - ınternet keńistigindegi jumys. Máselen, 2021 jyldyń basynan beri ınternet-keńistikte dinı ekstremızm men terrorızmdi nasıhattaıtyn 181 myńnan astam materıal anyqtalyp, joıyldy. 324 zańsyz materıal buǵattaldy. О́tken jylmen salystyrǵanda joıylǵan jáne buǵattalǵan kontent sany 8 eseden astam ósti.
Aıta keteıik, ekstremıstik materıaldardy buǵattaý jáne joıý – bul qazaqstandyqtardyń radıkaldanýyna jol bermeý úshin májbúrli, biraq basty shara emes. Bul jumys dinı ekstremızmniń aldyn alýǵa, halyqtyń radıkaldy nasıhatqa qarsy ımmýnıtetin qalyptastyrýǵa, azamattardyń ekstremızm ıdeologııasynyń zııandy áserine túspeýi úshin medıasaýattylyq pen synı oılaý deńgeıin arttyrýǵa qaıta baǵdarlanǵan. Jastar arasynda trend formattarynda profılaktıkalyq kontentti ázirleýge erekshe nazar aýdaryldy.
Atap aıtqanda, mektep oqýshylaryna dinı ekstremızmniń qaýpin túsindiretin «MEIRMAN» komıksi shyqty.
Budan basqa, azamattardyń dintaný saýattylyǵyn arttyrý jáne destrýktıvti dinı aǵymdar ıdeologııasyna qarsy is-qımyl jasaý úshin BAQ-ta, ınternet-resýrstarda jáne áleýmettik jelilerde 132 myńnan astam túrli formattaǵy jarııalanym ornalastyrylǵan.
Aıta keteıik, ótken jylmen salystyrǵanda aqparattyq keńistikte ekstremızmge qarsy taqyryptaǵy jarııalanymdar 2 esege artty.
QR AQDM radıkaldy ıdeologııaǵa qarsy nasıhat júrgizý, konfessııaaralyq kelisim qundylyqtary men, zaıyrly qaǵıdattaryn ilgeriletý jumystaryn odan ári uıymdastyryp, jalǵastyratyn bolady.
