37 jastaǵy boksshy UFC-diń burynǵy jaýyngeri Alı Bagaýtınovqa qarsy ótken jekpe-jeginen keıin osyndaı sheshim qabyldady. Bes raýndqa josparlanǵan bul kezdesý qaıyrymdylyq jasaý maqsatynda uıymdastyrylǵan bolatyn. Jekpe-jek qorytyndysy boıynsha Rýslan Provodnıkov tóreshilerdiń basym daýsymen jeńiske jetti.
«Men búginnen bastap boksshy retindegi kásibı mansabymdy aıaqtaımyn. Qolǵabymdy shegege ildim. Jyldar boıy meni qoldap kelgen barsha jankúıerlerge, boks mamandaryna alǵysym zor», dedi sportshy óz sózinde.
Rýslan Provodnıkov kásipqoı rıngte 30 kezdesý ótkizip, 25 jekpe-jekte jeńiske jetken. Ol 18 qarsylasyn merziminen buryn utyp, bes kezdesýde jeńilistiń kermek dámin tatqan. Jankúıerler ony rıng ortasynda tik turyp judyryqtasatyn stılin unatqandyqtan «Reseılik Rokkı» ataǵan edi.
