Bul týraly Básekelestikti qorǵaý jáne damytý agenttigi málim etti.
Vedomstvo baspasóz qyzmeti málimetinshe, agenttik baǵa jaǵdaıyn baqylaý jáne COVID-19-ǵa PTR-synama tapsyrý boıynsha zerthanalyq qyzmet naryǵynda shara qabyldaýǵa baılanysty jumysty jalǵastyryp jatyr.
«2021 jylǵy 6 jeltoqsanda «Ulttyq saraptama ortalyǵy» ShJQ RMK COVID-19-ǵa PTR-synama tapsyrý baǵasyn 6400-den 4900-ge deıin tómendetti. USO respýblıkanyń 17 óńirinde qyzmet kórsetedi», delingen habarlamada.
«Túrkistan oblysy boıynsha vedomstvo departamenti men Túrkistan qalalyq aýrýhanasynyń monopolııaǵa qarsy komplaensi aıasynda medısınalyq mekemede baǵalar 7000-nan 4900-ge teńgege deıin tómendetildi», dep málimdedi baspasóz qyzmeti ókili.
Qazaqstan boıynsha bólimsheler bar iri jelilik zerthanalarda COVID-19-ǵa PTR-test baǵasy ózgerissiz qalady, olarda ortasha eseppen baǵa 7400 teńge bolady.
