Polısııa taratqan nusqa boıynsha marqum Serik Májenov ań aýlap júrip qaıtys bolǵan. Biraq marqumnyń otbasy qaıǵyly oqıǵa reıd kezinde bolǵanyn aıtýda. Tipti ony reıdke shyqqany týraly qaǵaz da bar eken. Aýmaqtyq ınspeksııanyń basqa qyzmetkerleri de polısııa usynǵan nusqaǵa senbeıtinin aıtty. Olar qaıǵyly oqıǵa brakonerlerdi ustaý kezinde bolǵan dep topshylaıdy.
Búgin BAQ ókilderi Ekologııa, geologııa jáne tabıǵı resýrstar mınıstri Serikqalı Brekeshevten shyn máninde oqıǵanyń qalaı bolǵanyn surady.
Alaıda mınıstr tergeý amaldary aıaqtalǵan kezde ǵana naqty shyndyq belgili bolatynyn aıtty.
«О́kinishke qaraı, osyndaı jaǵdaı boldy. Osy sátti paıdalanyp, qaıtys bolǵan áriptestimizdiń otbasyna mınıstrliktiń atynan taǵy da kóńil aıtqym keledi. Bastapqy nusqa boıynsha, bul - kezdeısoq oryn alǵan qaıǵyly oqıǵa. Qazir tıisti organdar tergeý sharalaryn júrgizip jatyr. Búgingi tańda bizde ázirge tolyq senimdi aqparat joq. Tergeý qorytyndysynyń aıaqtalǵanyn kútemiz», dedi Serikqalı Brekeshev.
