Tuńǵysh Prezıdent buǵan «Biz, qazaqstandyqtar, ult órleýiniń qazaq dáýiriniń negizin qalaýshylar men bastaýshylar boldyq. Bul bizdiń asyl ýaqytymyzdyń jáne bizdiń barlyq uly jetistikterimizdiń eń dál ataýy», dep baǵa bergen bolatyn. Elbasy «Egemen Qazaqstan» gazetinde jarııalanǵan «Táýelsizdik taǵylymy» atty maqalasynda da táýelsizdiktiń qalaı kelgenine egjeı-tegjeıli toqtalady.
Táýelsizdik – árbir adamnyń, ulttyń, halyqtyń, eldiń erkindigi. О́z aldyna derbestigi, erkin ári baqytty kún keship jatqan Otany. Álemde óz tili, dini, dili, salty men dástúri, ǵurpy, mádenıeti damyǵan, oǵan qosa ishki jáne syrtqy ekonomıkasy qalyptasqan eki júzge tarta táýelsiz memleket bar. Sondaı-aq derbes táýelsizdigi joq qanshama ult joıylý aldynda tur. Bir sózinde Tuńǵysh Prezıdentimiz «Búgingi kúndi túsinip-túısiný úshin de, bolashaqtyń dıdaryn kózge elestetý úshin de keshegi kezeńge kóz jiberýimiz kerek», degen edi.
Búgingi beıbit kúnniń kepili bolǵan el egemendigine jetý úshin babalarymyz san ǵasyrlar boıy kúresip, qasıetti jerimizdi bizge mura etip qaldyrdy. Táýelsizdik azap pen tózimniń, erkindikti ańsaǵan shydamnyń óteýi boldy. Qazaqstannyń táýelsiz, egemendi el retinde tanylǵanyna mine, shırek ǵasyrdan asty. Táýelsizdik merekesin búgingi tańda qazaq halqy júregimen sezinetin jaǵdaıǵa jetti. Beıbit eldiń eń basty jetistigi ultaralyq tatýlyq pen bereke-birlik ekeni sózsiz. Bul uly kúndi keler urpaqtyń sanasyna sińirip, baqytty elde ómir súrip jatqandaryn baǵalaýǵa úıretý kerek.
El Táýelsizdiginiń 30 jyldyǵynda bizdiń jetken jetistigimiz ushan-teńiz. О́zimizdiń belgilengen shekaramyz, dinimiz ben tilimiz, memlekettik rámizder men ulttyq qundylyqtarymyz, mádenıet pen salt-dástúrimiz bar táýelsiz zaıyrly elge aınaldyq. Qazaqstan Respýblıkasynyń Prezıdenti Qasym-Jomart Toqaev atap ótkendeı: «Táýelsizdik – bul bizdiń basty qundylyǵymyz, ol bárinen qymbat! Bizdiń mindetimiz – órkendegen jáne qýatty Qazaqstandy bolashaq urpaqqa mura etip qaldyrý». Búgingi zaman bilimniń, jańa órkenıettiń zamany. Bilimdi urpaqtyń tyń oılary men jobalary elimizdiń jańa beleske shyǵýyna jol salady. Egemendi elimizdiń Kók týyn jelbiretip, elimizdiń bolashaǵy úshin aıanbaı eńbek etý basty paryzymyz dep bilemin.
Erlan DAKENOV,
Nur-Sultan qalalyq máslıhatynyń depýtaty,
E.Rahmadıev atyndaǵy memlekettik akademııalyq fılarmonııanyń bas dırektory
