«Mamandardyń pikirinshe, jańa shtamm basqalardan da agressıvti. Vaksınanyń eki dozasyn alǵan jáne aýyrǵan adamdar úshin de ony juqtyrý qaýpi joǵary», dedi Germanııa Kansleri Olaf Shols.
TASS atap ótkendeı, jańa shtammǵa shaldyqqandar sanynyń ósýi aıasynda elde koronavırýstyq ınfeksııanyń jańa jaǵdaılarynyń sany birshama azaıady. Sholstyń pikirinshe, bul qoldanystaǵy sharalar tıisti áser etetindigin kórsetedi. Alaıda, Sholstiń «omıkronnyń» taralýyna baılanysty qol qýsyrap otyra berýge bolmaıdy, óıtkeni bul nusqaǵa qarsy vaksınalardyń tıimdiligi tómendeıtinin aıtady. Osyǵan baılanysty ol el turǵyndaryn aldaǵy mereke kúnderi saq bolýǵa shaqyrdy.
Germanııa kansleri sonymen birge koronavırýstyq vaksınasııa naýqany Rojdestvo kúnderi burynǵy rejımmen jalǵasady dep sendirdi. Onyń aıtýynsha, qańtar aıynyń sońyna qaraı 30 mln býsterlik ekpe jasaý josparlanǵan.
Germanııa kansleri men premer-mınıstrleriniń jınalysynyń qorytyndysy boıynsha 28 jeltoqsannan bastap kovıdpen vaksınasııalanǵanyna nemese aýyrǵanyna qaramastan, 10-ǵa jýyq adam jeke páterler men úılerde jınala alady degen sheshim qabyldandy. 14 jasqa deıingi balalar úshin erekshe jaǵdaı jasalady. Kópshilik jınalmaıtyn iri sporttyq, mádenı jáne basqa da is-sharalardy ótkizýge bolady. Búkil el boıynsha klýbtar men barlar jabylady.
Robert Koh ınstıtýtynyń málimeti boıynsha, Germanııada koronavırýstyq ınfeksııanyń rastalǵan jańa jaǵdaılarynyń sany sońǵy táýlikte 23 428-ge artty. Epıdemııa bastalǵannan beri ınfeksııa 6 833 050 turǵynda anyqtaldy. Koronavırýs týdyrǵan aýrýdyń saldarynan 24 saǵat ishinde elde 462 naýqas qaıtys boldy. Germanııada pandemııa kezinde qaıtys bolǵandardyń jalpy sany 108 814-ke jetti.
