«Jalpy epıdemıologııalyq jaǵdaı turaqty. Juqpaly aýrýlar aýrýhanalary men reanımasııa oryndarynyń jumyspen qamtylýy - 19%. Kóptegen óńirler «jasyl» aımaqta, «sary» aımaqta tek Pavlodar jáne Soltústik Qazaqstan oblystary qalyp otyr», dedi Asqar Mamın.
Onyń aıtýynsha, kóptegen elderde jańa shtamnyń taralýyna baılanysty, memlekettik shekarada sanıtarlyq-epıdemıologııalyq talaptardy saqtaýdy jalǵastyrý qajet.
«Úı-jaılar men qoǵamdyq kólikte betperde kııý jáne adamdar kóp jınalatyn jerlerde áleýmettik qashyqtyqty saqtaý jónindegi talaptardy oryndaýǵa erekshe nazar aýdarý qajet», dep qosty Úkimet basshysy.
Qazirgi ýaqytta 9 mln-ǵa jýyq eresek halyq birinshi komponentpen, bul eresek halyqtyń 80%-ǵa jýyǵy, ekinshi komponentpen 8,4 mln-nan astam adam egilgenin, bul eresek halyqtyń shamamen 75%-y ekenin atap ótip,
Asqar Mamın mundaı kórsetkishter ujymdyq ımmýnıtetke qol jetkizý úshin áli de jetkiliksiz ekenin jetkizdi. Osyǵan baılanysty ol Densaýlyq saqtaý mınıstrligi men óńirler ákimdikterine halyqty KVI-ǵa qarsy vaksınalaý jáne revaksınalaý qarqynyn arttyrýdy tapsyrdy.
