Mınıstrdiń aıtýynsha, 2021 jyldyń qorytyndysy boıynsha munaı óndirý kólemi 85,7 mln tonna, eksport 67,6 mln tonna deńgeıinde bolady dep kútilýde.
«Josparǵa sáıkes elimizde munaı óndirý kólemi artyp, 2030 jylǵa qaraı 104,2 mln tonnaǵa jetedi», dedi Energetıka mınıstri.
Ol munaı óndirý boıynsha josparly kórsetkishke qol jetkizý birqatar jobalar esebinen qamtamasyz etiletinin aıtty. Bul - TShO-daǵy bolashaq keńeıtý jobasy, sonyń arqasynda munaı óndirý jylyna 12 mln tonnaǵa ulǵaıtylady (qoldanystaǵy óndirý 28 mln tonna); Qarashyǵanaq ken ornynyń óndirý sóresin qoldaý jobasy, sonyń arqasynda munaı óndirý jylyna 11-12 mln tonna deńgeıinde saqtalady (qoldanystaǵy óndirý 11,6 mln tonna). Sondaı-aq, Qashaǵan ken ornynda gaz óńdeý zaýyttarynyń qurylysy 3 mlrd m3 taýarlyq gaz óndirýge jáne munaı óndirýdi jylyna 16-dan 20 mln tonnaǵa deıin arttyrýǵa múmkindik beredi. Sonymen qatar, Kaspııdegi Hazar jáne Qalamqas-teńiz ken oryndaryn ıgerý jobasy boıynsha jumys bastaldy, olar 2028 jyldan bastap jylyna 4 mln tonna munaı óndirýge múmkindik beredi.
Bul rette mınıstr bıylǵy munaı óńdeý kóleminiń nátıjelerimen bólisti.
«2021 jyldyń qorytyndysy boıynsha munaı óńdeý kólemi 17,1 mln tonna, munaı ónimderin óndirý 13,1 mln tonna deńgeıinde bolady dep kútilýde. Aǵymdaǵy jyldyń qorytyndysy boıynsha munaı ónimderiniń negizgi túrlerinen benzın óndirisi - 4,7 mln tonna, dızel otyny - 4,8 mln tonna, mazýt - 2,4 mln tonna, bıtým - 933 myń tonna jáne avıakerosın - 600 myń tonna kóleminde boljanyp otyr», dedi Maǵzum Myrzaǵalıev.
Vedomstvo basshysy osy jyldyń tamyz aıynan qazan aıyna deıin janar-jaǵarmaı materıaldary naryǵynda dızel otynynyń tapshylyǵy týyndaǵanyn eske saldy. Osyǵan baılanysty ishki naryqty dızel otynymen qamtamasyz etý úshin birqatar sharalar qabyldandy. Máselen, munaı ónimderin avtomobıl kóligimen áketýge tyıym salyndy, ol 2022 jylǵy 21 mamyrǵa deıin qoldanysta bolady; AMО́Z-ge josparly jóndeý 2022 jylǵa aýystyryldy; jóndeýdi PMHZ-ǵa 20201 jylǵy qyrkúıekten qarashaǵa aýystyrady; RF MО́Z-nen 281 myń tonna kóleminde dızel otyny ımporty júzege asyryldy.
«Jedel qabyldanǵan sharalardyń arqasynda dızel otyny naryǵyndaǵy jaǵdaıdy turaqtandyrýǵa qol jetkizildi», dep qosty Maǵzum Myrzaǵalıev.
