«Búgingi tańda eldiń negizgi energııa óndirisi kómir generasııasy esebinen júzege asyrylýda. Kómirtekti beıtaraptyqqa qol jetkizý boıynsha zamanaýı úrdisterdi eskere otyryp, bizdiń aldymyzda «jasyl» energetıkany damytý mindeti tur. Qazirgi ýaqytta jańartylatyn energııa kózderiniń 134 obektisinen elektr energııasyn óndirý 3,3%-dy quraıdy, sondyqtan generasııanyń jalpy kólemindegi onyń úlesin 2030 jyly 15%-ǵa deıin ulǵaıtý kerek», dedi Asqar Mamın.
Sonymen qatar, Qazaqstannyń energetıkalyq júıesiniń turaqtylyǵyn qamtamasyz etý úshin otyn-energetıka kesheniniń jańa qýattaryn jedel jańǵyrtý máselesi qozǵaldy.
Osyǵan baılanysty Premer-Mınıstr Energetıka mınıstrligine 2021 jyldyń sońyna deıin 2030 jylǵa deıingi otyn-energetıka keshenin damytýdyń ózektendirilgen tujyrymdamasyn qabyldaýdy, sondaı-aq «Qaztransgazben» birlesip, 2022 jylǵy 1 sáýirge deıin eldiń soltústik jáne shyǵys óńirlerin gazdandyrý máseleleri boıynsha keshendi sheshim ázirleýdi qamtamasyz etýdi tapsyrdy.
Beıindi vedomstvoǵa Ulttyq ekonomıka mınıstrligimen, «Samuryq-Qazyna» qorymen jáne jeke energııa óndirýshi uıymdarmen birlesip, jańa elektr stansııalaryn jańǵyrtý men salýdy qarjylandyrý tetikterin ázirleý jáne tutastaı alǵanda Qazaqstanda «jasyl» energetıkany damytý jónindegi jumysty jandandyrý tapsyryldy.
