Aqtyq fınalǵa ótken úmitkerler Oqýshylar saraıyna jınalyp, marapattaldy. Júldeli 1-orynǵa 300 myń, 2-orynǵa 150 myń, 3-orynǵa 50 myń teńge tabys etildi.
Nur-Sultan qalasy Dinderdi zertteý ortalyǵynyń bastamasymen uıymdastyrylǵan baıqaýǵa 200-den astam ótinish túsken.
«Baıqaýǵa 228 ótinish tústi. Tekseris barysynda jumystardy antıplagıat boıynsha tekserip, baıqaý sharttaryn oryndaǵan qatysýshylardy ǵana aqtyq synǵa jiberdik. 107 mektep oqýshysy men 49 stýdent fınalǵa ótti. Qatysýshylar úshin táýlik boıy saıt jumys istep turdy. Baıqaýdy ótkizýdegi maqsatymyz – jastarymyzǵa patrıottyq sezim uıalatyp, qazaqtan shyqqan ǵulama ǵalymdardyń eńbekterin dáripteý», deıdi Nur-Sultan qalasy Dinderdi zertteý ortalyǵy dırektorynyń orynbasary J.Súleımenov.
Oqýshylar arasynda júldeli 1-orynǵa A.Janaı, 2-orynǵa J.Qýanysh, 3-orynǵa A.Shıntaeva ıe boldy. Al stýdentterden 1-orynǵa Q.Parazatova, 2-orynǵa D.Qalmenbaı, 3-orynǵa I.Sultanǵalıeva jaıǵasty.
«Bul baıqaýdy ótkizýde aldymyzǵa qoıǵan mindet – óskeleń urpaqqa adamgershilik tárbıe berýge yqpal etý, ǵalym Ybyraı Altynsarınniń murasymen tanysyp, otanshyldyq sezim qalyptastyrý. Jazǵan esselerdi qaraı otyra, qoıylǵan mindet 100 paıyzǵa oryndalǵanyna kózim jetti. Ár qatysýshynyń ózindik oıy, fılosofııalyq túıinderi, tilge, halqyna degen janarshyrlyq, patrıottyq sezimi jazǵan jazbalarynan sezilip tur», dedi qazylar alqasynyń tóraǵasy, qoǵam qaıratkeri Úzben Qurmanbaıuly.
Baıqaý dástúrli túrde úshinshi jyl qatarynan ótkizilip keledi.
