«О́z elimde, otbasym men dostarymnyń aldynda sharshy alańǵa kóterilgenim úshin bek qýanyshtymyn. Alaıda ózimdi qatty qyspaqqa alǵan sııaqtymyn. Nege deseńizder, óte joǵary deńgeıdegi boks kórsetkim keldi. Sońǵy úsh shaıqastaǵy deńgeıden túspeýdi maqsat tuttym.
Ekinshi raýndta Hýan Ernan Lealdi eki ret nokdaýnǵa túsirgennen keıin sol qolymdy jaraqattap aldym. Al ol barynsha qorǵanysqa nazar aýdardy. Sondyqtan da jekpe-jek men oılaǵan deńgeıde ótpedi. Jaraqat alǵannan keıin qysymdy azaıtyp, barynsha saýatty qımyldaýǵa tyrystym. Nátıjesinde kásibı mansabymda alǵash ret 12 raýnd boıy judyryqtastym. Bul da bir jaqsy tájirıbe shyǵar», deıdi boksshy.
