Osy jyldyń tamyz jáne jeltoqsan aılarynda sabaqtar speaking club (sóılesý klýby) formatynda ótkizildi.
Bul Túrkııa, Reseı, AQSh, Ulybrıtanııa, Belgııa, Germanııa, Fransııa, Iran, Qyrǵyzstan, Ýkraına, Mońǵolııa jáne Belarýstegi qazaq dıasporalarynyń 1 391 ókiline 780 onlaın sabaq ótkizýge múmkindik berdi. 336 qatysýshyǵa sertıfıkat berildi.
Sonymen birge qazaq tilin óz betinshe úırený múmkindikterin jasaý maqsatynda 30 onlaın-sabaq YouTube-te shyǵaryldy.
Bıyl qandastarmen mádenı-gýmanıtarlyq baılanystardy nyǵaıtýǵa, qazaq halqynyń mádenı murasyn ilgeriletýge baǵyttalǵan basqa da mańyzdy sharalar iske asyrylýda. Esterińizge sala keteıik, bıyl Qyrǵyz Respýblıkasynyń astanasynda «Abai üiı» mádenı-iskerlik úıi ashyldy. Osylaısha, mádenı-iskerlik úıler jumys isteıtin elder sany 6-ǵa jetti: Túrkııa, Germanııa, Ýkraına, Reseı, О́zbekstan jáne Qyrǵyzstan.
Qazaqstan Táýelsizdiginiń 30 jyldyǵyna oraı QR AQDM, QR SIM qoldaýymen «Otandastar qory» men Dúnıejúzi qazaqtary qaýymdastyǵy uıymdastyrǵan Qazaqtardyń kishi quryltaıy erekshe mańyzdy boldy. Kishi Quryltaı osy jyldyń qyrkúıek aıynda Ystambulda ótti.
Sondaı-aq aǵymdaǵy jyly Qazaqstan-Nemis dostyǵy qaýymdastyǵymen jáne Japonııadaǵy qazaqtar qaýymdastyǵymen yntymaqtastyqty damytý boıynsha 2 memorandýmǵa qol qoıyldy.
Qazaq mádenı ortalyqtarymen, qazaq qaýymdastyqtarymen, shet elderdegi QR mekemelerimen mádenı-gýmanıtarlyq jáne iskerlik baılanystardy damytý jáne keńeıtý maqsatynda 2021 jyly álemniń 20 elinen 4 500-den astam otandastyń qatysýymen 15 is-shara, 20 kezdesý, 4 konferensııa, 4 onlaın-oflaın joba ótkizildi.
