Rýstam Júrsinovtiń aıtýynsha, osy jyly bıznes-ombýdsmenniń keńsesine 3912 ótinish túsken. Bul byltyrǵy osy kezeńmen salystyrǵanda 15 paıyzǵa az. 1463 ótinish kásipkerlerdiń paıdasyna sheshilgen. Negizinen satyp alýlarǵa, jerge, salyqtarǵa, qurylysqa qatysty másele jıi kóterilgen.
Qasym-Jomart Toqaevqa «basynan bastap» retteý tetigin engizý jónindegi tapsyrmasynyń oryndalý barysy týraly málimet berildi. Jańa retteý saıasatynyń bazalyq tásilderin belgileıtin tıisti zań jobasy Parlament Senatynyń qaraýynda jatyr.
2024 jyldyń 1 qańtaryna deıin bızneske qatysty mindetti burynǵy talaptardyń bári tekseriledi. Atalǵan sharalardyń túpki maqsaty – memleket pen bıznes arasyndaǵy qatynastardy tolyqtaı sıfrlandyrý.
Memleket basshysy Qazaqstan kásipkerleriniń quqyqtaryn qorǵaý jónindegi ýákil jumysynyń qorytyndylaryn oń baǵalap, bızneske qatysty ákimshilik quqyq buzýshylyqtardyń kóbeıý sebepterin anyqtaý jáne olardy joıý úshin sharalar ázirleý jóninde birqatar tapsyrma berdi.
