Bul týraly Reuters agenttigi málim etti.
Densaýlyq saqtaý mınıstri Fahreddın Kodjý elde shyǵarylǵan vaksına halyqqa kelesi aptadan bastap salynatynyn habarlady. Ol Túrkııa koronavırýsqa qarsy óz vaksınasyn shyǵarǵan toǵyzynshy el ekenin aıtty.
Túrkııa prezıdenti Redjep Taıyp Erdoǵan bul vaksınany barlyq elmen bólisetinin málimdedi.
Turkovac vaksınasyn Erdjııas ýnıversıtetiniń ǵalymdary Túrkııa Densaýlyq saqtaý mınıstrligine qarasty Túrkııanyń Densaýlyq saqtaý basqarmasymen (TÜSEB) birlesip jasaǵan. Klınıkalyq synaqtardyń úshinshi kezeńi aıaqtalýǵa jaqyn.
Buǵan deıin Túrkııa óz jobasy boıynsha koronavırýsqa qarsy vaksınasynyń birinshi jáne ekinshi fazasyn sátti synaqtan ótkizgen bolatyn. Úshinshi kezeń sátti aıaqtalsa, vaksınany jappaı óndiriske jáne paıdalanýǵa engizý josparlanǵan.
