Álem • 23 Jeltoqsan, 2021

AQSh-ta koronavırýsqa qarsy tabletkalar qoldanýǵa ruqsat berildi

1 mın

oqý úshin

AQSh-tyń Azyq-túlik jáne dári-dármek basqarmasy (FDA) Pfizer kompanııasynyń koronavırýsqa qarsy «Pakslovıd» tabletkalaryn qoldanýǵa ruqsat berdi, dep habarlaıdy Egemen.kz.

Gaýhar QAPASh

AQSh-ta koronavırýsqa qarsy tabletkalar qoldanýǵa ruqsat berildi

Bul týraly Reuters agenttigi málim etti.

«Pakslovıd» - bul 12 jastan asqan adamdar úshin AQSh-ta jasalǵan jáne maquldanǵan alǵashqy dári. Dári-dármek amerıkalyqtar úshin osy demalystan bastap qol jetimdi bolady.

Preparat dárigerdiń nusqaýy boıynsha ǵana beriledi. COVID-19 dıagnozy qoıylyp, sımptomdar bastalǵannan bastap bes kún ishinde ár 12 saǵat saıyn ishý usynylǵan.

Aq úıdiń koronavırýspen kúres jónindegi úılestirýshisi Djeffrı Zınts AQSh úkimeti qańtar aıyna deıin 265 myń emdeý kýrsyn ótkizedi jáne kelesi aılarda jetkizilim artady dep málimdedi. AQSh bıligi alty aı ishinde tapsyrys bergen 10 mıllıon kýrsyn alady. AQSh úkimetiniń 10 mıllıon tabletkaǵa arnalǵan kelisim-sharty bir kýrs úshin 530 dollarǵa baǵalanady.

Dárigerler bul preparat omıkron shtamyna jáne koronavırýsqa qarsy ekpe alýdy qalamaıtyn adamdar jaǵdaıynda medısınalyq júıeni jeńildetýge kómektesetinine senimdi.