ShQO tótenshe jaǵdaılar departamenti baspasóz qyzmetiniń málimetine súıensek, sońǵy kúnderi óńirde qalyń qar jaýyp, qatty jel soǵýyna baılanysty taýly aımaqtarda kóshkin júrý qaýpi arta túsken.
Soǵan baılanysty «Qazseldenqorǵaý» ShQOF mamandary «О́skemen-Samar» tasjolynyń mańynda jasandy jolmen qar kóshkinin túsirdi. «5 ret jarylys jasalyp, 2450 tekshe metr qar túsirilgen. Qar joldy jartylaı jaýyp qaldy. Osylaısha, asa qaýipti ýchaske qardan tazartyldy», delingen aqparatta.
Aıta keteıik, óńirde qar kóshkini qaýpi bar kezeń bastalǵaly beri 18 ret kóshkin túsirý jumystary júrgizilip, 15190 tekshe metr qar túsirilgen.
