«Elbasy Medalin» 199 qatysýshy ıelendi. Olardyń qatarynda mektep oqýshylary, stýdent, kásipker, ózin-ózi jumyspen qamtýshylar da bar. Marapat ıeleriniń tizimin myna jerden kóre alasyzdar.
Bıyl mamyr aıynda bastaý alǵan jobaǵa barlyǵy 2464 ótinim kelip tústi. Qazirgi tańda Almaty qalasy boıynsha baǵdarlamada 1064 qatysýshy óz baqtaryn synady.
Atalǵan is-shara aıasynda «Elbasy Medali» jobasynyń belsendi jastaryn, medal ıegerlerin qala basshylyǵy, depýttattar, óner azamattary marapattaıtyn bolady. Byltyrǵy jyldyń nátıjesi boıynsha 261 qola medal ıegerleri naýryz aıynda, 15 qatysýshy qazan aıynda marapattalǵan bolatyn. Aıta keteıik, Almaty qalasy boıynsha baǵdarlamanyń 51 medal ıegerleri memlekettik grant utyp aldy.
Eske salaıyq, qazirgi tańda Qazaqstan Respýblıkasy Úkimetiniń 2020 jylǵy 24 sáýirdegi № 249 qaýlysy negizinde bekitilgen, «balalar men jastardy patrıottyq tanytqany jáne belsendi azamattyq ustanymy úshin erekshelik belgisimen nagradtaý qaǵıdalaryn» oryndaý maqsatynda elimizdiń eń aýqymdy chellendji bolyp sanalatyn «Elbasy medali» baǵdarlamasy Almaty qalasy boıynsha bastaý alǵan bolatyn.
«Elbasy medali» baǵdarlamasyn «El Umiti» bastamasy aıasynda Nursultan Nazarbaev qory jáne «Elbasy akademııasy» korporatıvtik qory júzege asyrýda. Jobany uıymdastyrýdaǵy seriktesterdiń biri - «Almaty daryny» daryndy balalar men talantty jastardy anyqtaý jáne qoldaý jónindegi ortalyǵy jáne «Qazaqstan jastarynyń kongresi» ZTB bolyp tabylady.
