15 jeltoqsannan bastap elorda epıdemıologııalyq jaǵdaıdy baǵalaý matrısasyna sáıkes «jasyl» aımaqta boldy. Alaıda, búgingi tańda koronavırýstyń damý qarqyny boıynsha Rt reprodýktıvti sany-1,019 qurady, soǵan sáıkes Nur-Sultan qalasy «sary» aımaqqa ótti.
Rt reprodýktıvti kórsetkishi - aımaqtardy anyqtaý krıterııleriniń biri. Aptalyq aýrýshańdyqty salystyra otyryp, shamaly ósim baıqaldy, sondyqtan bir apta ishinde COVID-19-dyń 564 jaǵdaıy tirkeldi (aldyńǵy apta – 542 jaǵdaı). Koronavırýspen syrqattanýdyń qarqyndy kórsetkishi tıisinshe 47,5 jáne 45,6 qurady, ıaǵnı syrqattaný kórsetkishi aldyńǵy aptadan 4% joǵary boldy. Bul Rt sanynyń 1-den joǵary ósýine jáne «jasyl» aımaqtan «saryǵa» aımaqqa aýysýyna ákep soqty.
Bir táýlik ishinde alǵashqy zerthanalyq rastalǵan 85 jaǵdaı tirkeldi (sımptomdary bar 58 jaǵdaı, 27 sımptomsyz jaǵdaı), ósim – 0,05%. Aýrýdyń kóbeıýiniń negizgi sebepteri - ádettegideı mereke kúnderi keıbir turǵyndardyń karantın shekteýlerin saqtamaýy. Iаǵnı, adam kóp jınalatyn jerlerge barýynan, betperde taqpaı júrýinen, naýqastardyń da, jaqyn baılanysta bolǵan adamdardyń da úı karantıni rejımin saqtamaýynan boldy.
Taralý qaýpin jáne ádettegideı mereke kúnderinen keıin koronavırýstyń oń jaǵdaılaryn tirkeý sanynyń artýyn eskere otyryp, syıymdylyǵy 50% deıin, biraq 70 orynnan aspaıtyn, kelýshiler men ondaǵy qyzmetkerlerde tek «jasyl» mártebe bolatyn «Ashyq» jobasyna qatysatyn obektilerdi sanamaǵanda, ótkiziletin jappaı is-sharalarǵa, onyń ishinde otbasylyq, korporatıvtik is-sharalarǵa tyıym salynady.
Sondaı-aq, túrli toptar men uıymdar balalarynyń qatysýymen jalpymekteptik jáne ujymdyq tańertengilikterdi uıymdastyrýǵa jáne ótkizýge tyıym salynady. Aldaǵy mereke kúnderi monıtorıng toptarynyń jumysy kúsheıtilmek.
Saýda jáne basqa da obektilerdiń ıeleri karantındi buzbaýǵa, barlyq sanıtarlyq normalardy saqtaýǵa tıis.
Nur-Sultan qalasynyń sanıtarııalyq-epıdemıologııalyq baqylaý departamenti ótken mereke kúnderi halyqtyń basym kópshiligi karantındik sharalardy saqtaǵan jaǵdaıda, elordanyń «sary» aımaqqa ótýine jol bermeýge bolatynyn habarlaıdy. Alaıda, bári birdeı jaýapkershilik tanyta qoımady, osylaısha elordanyń uzaq 7 aı boıy (10 naýryzdan 26 qazanǵa deıin) turǵan «qyzyl» aımaqqa jaqyndaý qaýpin arttyrdy.
«Aldaǵy jańajyldyq merekeler epıdemıologııalyq jaǵdaıdyń nasharlaýyna jáne koronavırýs ınfeksııasynyń kóbeıýine ákelmeýi kerek ekenin este ustaǵan jón. Al ol bizdiń júris-turysymyz ben karantın sharalaryn saqtaýdaǵy jaýapkershiligimizge baılanysty. Sondyqtan, qala turǵyndaryn jańa jyldy týystarymen birge kishigirim ortada ǵana qaýipsiz atap ótýge shaqyramyz», dep eskertedi sanıtarlyq-epıdemıologııalyq baqylaý komıteti.
