«Búgingi tańda aýqymdy taldamalyq jumystar júrgizildi, baqylaýshy organdardyń eskertýleri zerdelenip, sýbsıdııalaýdyń jańa tetiginiń birinshi nusqasy ázirlendi. Onyń negizgi jańalyqtary sýbsıdııalaý jáne ákimshilendirý rásimderin jeńildetý, aýqymyna qaramastan barlyq sýbektilerge sýbsıdııanyń qoljetimdiligin qamtamasyz etý, eńbektiń túpkilikti nátıjesine qaıta baǵdarlaý jáne sýbsıdııa alýshylardyń naqty ındıkatıvtik kórsetkishterge qol jetkizý boıynsha qarsy mindettemeler qabyldaýy bolyp otyr. Biz túrli alańdarda sýbsıdııalaýdyń osy nusqasyn eki ret tanystyrdyq. Barlyq múddeli qurylymdarmen, qoǵamdyq uıymdarmen, bıznes qaýymdastyq ókilderimen turaqty dıalog júrgizýdemiz», dedi Erbol Qarashókeev Ortalyq kommýnıkasııalar qyzmetinde.
Osy oraıda ol kóptegen eskertýler men usynystar alǵanyn, qazirgi ýaqytta olardy zerdeleý men óńdeý jumystary júrgizilip jatqanyn jetkizdi.
«Pysyqtaý prosesin ári qaraı jalǵastyrýdy, óńirlerge shyǵyp, talqylaý uıymdastyrýdy josparlap otyrmyz. Eń bastysy, sýbsıdııalaýdyń jańa júıesi masyldyq áreketke jetelemeı, yntalandyrýshy, óndiris kólemin ulǵaıtýǵa baǵyttalǵan jáne ishki azyq-túlik naryǵynyń jaǵdaıyna ǵana emes, jalpy aýyl sharýashylyǵynyń eksporttyq áleýetine de oń áser etýshi bolǵanyn qalaımyz», dedi mınıstr.
