Osy arada Katalonııada túngi komendanttyq saǵat engizildi, al Ispanııa men Italııa kóshelerinde betperdesiz júrýge tyıym salynǵan.
Resmı derekter boıynsha, pandemııa bastalǵannan beri álemde 277 mıllıon ınfeksııa juqtyrý jaǵdaıy tirkelip, 5,3 mıllıon adamnyń ómiri qıyldy.
Ulybrıtanııada koronavırýstyq ınfeksııany juqtyrý sany tez ósýde. Beısenbide shamamen 120 myń jaǵdaı anyqtalyp, jańa rekord tirkeldi. Aldyńǵy táýlikte naýqas sany 106 myń bolǵan. Dese de qaıtys bolǵandar sany salystyrmaly túrde az bolyp qala beredi: sońǵy kúni - 147 ólim, aldyńǵy kúni - 140.
Osy jyldyń qańtarynda Ulybrıtanııada pandemııa shyńynda kún saıyn kovıdten bir jarym myńnan astam adam, ıaǵnı, bir kúnde 1820 naýqas qaıtys boldy. Sarapshylar men saıasatkerler bul aıyrmashylyqty qazir brıtandyqtardyń kópshiligi koronavırýsqa qarsy egilgendigimen túsindiredi, al jartysyna jýyǵy úshinshi vaksına-býsterdi jasady.
Qazir Anglııa aýrýhanalarynda koronavırýspen aýyratyn 8 myńnan astam naýqas bar. О́tken jyldyń qańtar aıynda 34 myńnan astam boldy. Alaıda, aýrýhanalardaǵy júkteme úlken, sebebi kovıdti juqtyrǵandar arasynda dárigerlerdiń qatary da bar. Beısenbide Ulybrıtanııanyń ulttyq densaýlyq saqtaý qyzmeti 19 jeltoqsanda 19 myńǵa jýyq medısına qyzmetkeri jumysqa kelmegenin málimdedi. Olar aýyryp qaldy nemese oqshaýlanýda otyrdy.
Al Ispanııa men Italııa kóshelerinde mindetti maska taǵý rejımi kúshine qaıta endi. Ispanııa Premer-Mınıstri Pedro Sanches maska rejımi tek qoǵamdyq oryndarda ǵana emes, kóshede de qaıtarylatynyn málimdedi.
Ispanııa koronavırýs shekteýlerin jazdyń basynda alyp tastady, biraq qazir juqtyrý sany qaıta ósti. 20 jeltoqsanda elde 79 myń jańa jaǵdaı tirkeldi, sońǵy táýlikte bul san 60 myńǵa jetti. Aldyn ala baǵalaýlar boıynsha jaǵdaılardyń shamamen jartysy «omıkronmen» baılanysty.
Beısenbide Italııanyń Densaýlyq saqtaý mınıstri Roberto Speranza «omıkronnyń» taralýyna baılanysty kóshede maska taǵýdyń qaıtarylǵany týraly habarlady. Sonymen qatar, Italııa úkimeti jańa jyldyń barlyq jappaı merekelerine tyıym salyp, klýbtardy 31 qańtarǵa deıin jabý týraly sheshim qabyldady.
Katalonııa soty beısenbide jergilikti bıliktiń túngi komendanttyq saǵatty engizý týraly sheshiminiń zańdylyǵyn rastady. Endi katalondyqtarǵa úıden túngi saǵattan tańǵy altyǵa deıin shyǵýǵa tyıym salynady.
