Oblystyq polısııa departamenti oqıǵanyń 20 jeltoqsanda Jangeldın aýdanynyń Torǵaı aýylynda Máýlenov-Quljanov kósheleriniń qıylysynda bolǵanyn habarlady.
«Volkswagen Polo» avtokóligin aıdaǵan 62 jastaǵy júrgizýshi 14 jastaǵy jergilikti turǵyndy qaǵyp ketti. Zardap shegýshi aýdandyq aýrýhanaǵa jetkizildi. Kýálandyrý nátıjeleri kórsetkendeı, júrgizýshi alkogoldi ishimdik ishkeni anyqtaldy», dep túsindirdi Qostanaı oblysy PD baspasóz qyzmeti.
JKO faktisi boıynsha QR QK 345-babymen tirkelip, qazirgi ýaqytta sotqa deıingi tergeý júrgizilýde.
«Saraptama taǵaıyndaldy, onyń nátıjeleri boıynsha is júrgizý sheshimi qabyldanatyn bolady», dep qosty PD baspasóz qyzmeti.
Oblystyq densaýlyq saqtaý basqarmasy zardap shegýshiniń qazirgi jaǵdaıy týraly aıtty.
«Jasóspirimniń dıagnozy - oń jaq glıýtealdy aımaqtyń jumsaq tinderiniń kógerýi. Ol Jangeldın aýdandyq aýrýhanasyna jetkizilip, keıin úıine jiberildi. Aýyr dárejeli jaraqat joq», dedi Qostanaı oblysy DSB baspasóz qyzmeti.
Oblystyq bilim basqarmasynyń habarlaýynsha, oqýshy óz úıinde.
Polısııa departamentiniń aqparaty boıynsha, Sh. Ýálıhanov atyndaǵy mektep dırektoryna qatysty tergeý amaldaryn júrgizilýde. Tergeý amaldarynyń qorytyndysy boıynsha prosessýaldyq sheshim qabyldanady.
Sondaı-aq vedomstvo dırektordyń aýrýhanada jatqanyn atap ótti.
«Dırektor aýrýhanadan shyqqannan keıin másele ádep keńesinde qaralady, ol qyzmetinen bosatylýy múmkin», dedi Qostanaı oblysy ÝO baspasóz qyzmeti.
