Bul jańalyqty QR memlekettik hatshysy Qyrymbek Kósherbaev, Lomonosov atyndaǵy Máskeý memlekettik ýnıversıtetiniń Qazaqstandaǵy fılıalynyń 20 jyldyq mereıtoıynda habarlady.
«Memleket basshysy Qasym-Jomart Toqaevtyń tapsyrmasy boıynsha el úkimeti Lomonosov atyndaǵy Máskeý memlekettik ýnıversıtetiniń fılıalyna jalpy aýdany 13 myń sharshy metr bolatyn Aýyl sharýashylyǵy mınıstrliginiń 15 qabatty keńsesin berý týraly sheshim qabyldady. Bul bizge reseılik áriptestermen birge basymdyqqa ıe mamandyqtar boıynsha joǵary bilikti mamandardy daıarlaý tizimin keńeıtýge múmkindik beredi dep oılaımyn», dedi ol óz sózinde.
Aýyl sharýashylyǵy mınıstrliginiń ornalasatyn orny da belgili boldy. Endi vedomstvo elordanyń sol jaǵalaýyna kóshetin boldy.
