Jańa jyldyq aksııa 27-28 jeltoqsan kúnderi Almaty oblysy men Nur-Sultan, Almaty qalalarynda jáne 29 jeltoqsan kúni Túrkistan qalasynda ótedi.
Qaıyrymdylyq sharasy az qamtylǵan jáne kópbalaly otbasylar, sondaı-aq erekshe qajettilikteri bar balalardy tárbıelep otyrǵan otbasylardy qoldaýǵa baǵyttalǵan. Árbir otbasy aksııa aıasynda Nursultan Nazarbaev qory men «Degdar» gýmanıtarlyq qorynan salmaǵy 120 kg azyq-túlik alady. Azyq-túlik jıyntyqtarynda un, kartop, túrli jemister, kúrish, qaraqumyq, shaı, qant, kúnbaǵys maıy jáne jańa jyldyq táttiler bar.
«Bizdiń halqymyz árqashan óziniń meıirimdiligimen erekshelenetin. Koronavırýs pandemııasy bizdiń qoǵamda muqtaj adamdarǵa kómektesýge daıyn adamdar kóp ekenin taǵy bir ret kórsetti. Qazaqstannyń Tuńǵysh Prezıdenti Nursultan Nazarbaevtyń bastamasy boıynsha bıyl biz «Elbasy jylýy» aksııasyn úshinshi ret júzege asyryp jatyrmyz. Aldyńǵy eki aksııany ótkizýdiń arqasynda elimizdiń ár óńirinen 1300-den astam otbasy kómekpen qamtyldy», dedi Nursultan Nazarbaev qorynyń atqarýshy dırektorynyń orynbasary Álkeı Marǵulanuly.
«Degdar» gýmanıtarlyq qorynyń dırektory Laýra Ahmetova aksııanyń mańyzdylyǵy týraly aıta otyryp, qazaqstandyqtardy qaıyrymdylyqqa qatysýǵa shaqyrdy.
«Biz seriktesterimizge, onyń ishinde lider KZ eriktiler qozǵalysynyń múshelerine aksııany uıymdastyrýǵa qoldaý kórsetkeni úshin rızamyz. Biz qazaqstandyqtardy kele jatqan jańa jylmen quttyqtaımyz jáne barlyq otandastardy kómekke muqtaj adamdarǵa qoldaý kórsete otyryp, jaqsylyq jasaýǵa shaqyramyz», dedi ol óz sózinde.
