Qazirgi jaǵdaı men júrgizilip jatqan jumys týraly saýda jáne ıntegrasııa vıse-mınıstri Erjan Qaldybaev, Ulttyq bank tóraǵasynyń orynbasary Aqyljan Baımaǵambetov, aýyl sharýashylyǵy mınıstri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarın, Aqtóbe oblysynyń ákimi Ońdasyn Orazalın, Qyzylorda oblysynyń ákimi Gúlshara Ábdiqalyqova, Soltústik Qazaqstan oblysynyń ákimi Qumar Aqsaqalov, Aqmola oblysynyń ákimi Ermek Marjyqpaev jáne t. b. baıandady.
О́tken aptada Qazaqstanda áleýmettik mańyzy bar azyq-túlik taýarlarynyń baǵasy 0,2%-ǵa tómendedi. Baǵanyń eń kóp tómendeýi Túrkistan oblysynda jáne Nur-Sultan qalasynda (-0,6%), Jambyl oblysynda (-0,3%), Shymkent qalasynda (-0,2%) tirkeldi.
Taýarlar bólinisinde respýblıka boıynsha sábiz (-2,2%), kartop (-0,5%), pııaz jáne rojkı (-0,4%), sıyr eti (-0,3%), kúrish (-0,2%), sút jáne qaraqumyq (-0,1%) baǵasynyń tómendeýi baıqalady. Qalǵan ónimder boıynsha baǵalar turaqty.
Forvardtyq satyp alý qorytyndysy boıynsha 2021 jyly «Azyq-túlik kelisim shart korporasııasy» UK» AQ 572 myń tonna astyq, onyń ishinde 539 myń tonna bıdaı satyp aldy. 2022 jyldyń birinshi jartyjyldyǵynda ishki naryqqa 475 myń tonna bıdaı jiberý josparlanyp otyr.
Qazirgi ýaqytta Básekelestikti qorǵaý jáne damytý agenttigi naryq sýbektileriniń atyna 114 habarlama jiberdi, 16 tergeý júrgizdi, monopolııaǵa qarsy zańnamany buzýshylyqtardy joıý týraly 20 nusqama, óndirýshilerdiń baǵany kóterý múmkindigi týraly jarııa málimdemesi úshin básekelestikti qorǵaý salasyndaǵy QR zańnamasyn buzýǵa jol bermeý týraly 11 eskertý jasady, óndirýshilermen, kóterme jetkizýshilermen jáne saýda jelilerimen saýda ústemesin 15%-dan 10%-ǵa deıin tómendetý týraly monopolııaǵa qarsy komplaenstiń 199 aktisin jasasty. Saýda ústemesin kóterýdiń 75 faktisi anyqtaldy.
Premer-Mınıstr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý boıynsha jumysty jalǵastyrýdy tapsyrdy.
Úkimet basshysy óńirlik turaqtandyrý qorlaryndaǵy qorlardy tolyqtyrý jáne «aınalym shemasyn» qarjylandyrýdy qamtamasyz etý sharalaryn qabyldaýdyń mańyzdylyǵyn atap ótti.
«Baǵany tómendetý qarqynyn arttyrý jáne mereke aldyndaǵy kezeńde barlyq qoldanystaǵy quraldardy qoldana otyryp, barynsha baqylaýdy qamtamasyz etý qajet. Taýar ıntervensııasyn ýaqytyly júrgizý jáne kelisimshart jasalǵan kólemderdiń jetkizilýin qamtamasyz etý qajet. Mereke kúnderi taýarlardyń jasandy tapshylyǵyna jol berýge bolmaıdy», dedi A. Mamın.
