«2021 jylǵy 22 jeltoqsandaǵy jaǵdaı boıynsha, vırýstyń «omıkron» shtamy 110 elde, DDU-nyń barlyq alty óńirinde anyqtaldy», delingen uıym málimdemesinde.
Sarapshylardyń aıtýynsha, «omıkron» shtamy «delta» shtamyna qaraǵanda tez taralady. Oǵan qosa juqtyrǵandar qatary 2-3 kún saıyn eki ese artyp jatyr. «Omıkron» shtamynyń saldaryna keler bolsaq, naqty málimet joq. Ońtústik Afrıka, Ulybrıtanııa jáne Danııa elderinen alynǵan derekterge sáıkes, «omıkron» shtamyn juqtyrǵandar vırýstyń «delta» shtamyn juqtyrǵandarǵa qaraǵanda aýrýhanaǵa sırek túsedi. Muny «omıkron» shtamyna aǵzanyń ımmýndyq qorǵanysynyń qatty áser etpeıtindigimen túsindirýge bolady. Qazirgi kezde mamandarda «omıkron» shtamyna vaksınanyń qalaı áser etetini týraly derekter az bolyp otyr.
Ulybrıtanııa Koroldigiń sanıtarııa basqarmasy koronavırýstyń «omıkron» atty jańa shtamynyń taralýy jeltoqsannyń sońǵy kúnderine qaraı artýy múmkin ekenin teriske shyǵarmaıdy. Bılik brıtanııalyqtardy tez arada kovıdke qarsy revaksınasııa saldyrtyp, úshinshi ekpeniń kómegimen «omıkron» shtamyn juqtyrýdyń aldyn alýǵa shaqyrdy.
