Esterińizge sala keteıik, bıyl qazan aıynyń basynda QRKF kezekten tys onlaın konferensııasynda grek-rım, erkin jáne áıelder kúresi federasııasynyń jańa prezıdenti bolyp buǵan deıin orynbasarlyq qyzmet atqarǵan Erlan Qojasbaı saılanǵan bolatyn. Ol Saýat Myńbaevtyń ornyn basty. Jańa basshy kele sala federasııanyń vıse-prezıdentteri Dáýlet Turlyhanov, Gúzel Manıýrova, Sáken Musaıbekov jáne Danııar Ábilǵazındi qyzmetinen bosatty.
Joǵarydaǵy jaǵdaı kópshilikti qanaǵattandyrǵan joq. Mádenıet jáne sport mınıstri Aqtoty Raıymqulova men Ulttyq Olımpıada komıtetiniń prezıdenti Tımýr Qulybaevtyń atyna ashyq hat jazǵan aımaqtyq federasııa basshylary saılaý nátıjesimen kelispedi. Oblystyq uıym basshylary saılaý kezinde bolǵan óreskel zań buzýshylyqtarǵa toqtalyp, qaıta saılaý ótkizýdi surady. Olardyń bul ótinishi qanaǵattandyryldy. Nátıjesinde, dańqty balýan Dáýlet Turlyhanov kúres federasııasynyń tizginin ustady.
