О́rt sóndirý qyzmetinde bólimshe komandıriniń orynbasary laýazymyn atqaratyn Rafaıl Zakırov bıylǵy 20 qańtarda kópqabatty turǵyn úıdegi órtten adamdardy qutqarý kezinde batyldyq tanytqan edi. Sol kúni departamenttiń dıspetcherlik pýltine Atyraý qalasyndaǵy Ǵ.Abdrahmanov kóshesinde ornalasqan №39 úıdiń kireberisi tútindep jatqany týraly habar tústi. Oqıǵa ornyna №1 mamandandyrylǵan órt sóndirý bóliminiń kezekshi bólimshesi jedel jetip, páterlerdiń birinde qart áıelmen birge balalardyń qalǵanyn anyqtaǵan eken. «Bólimshe komandıriniń orynbasary, azamattyq qorǵaý starshınasy R.Zakırov áriptesterimen birge úshinshi qabattyń balkonynan kómekke shaqyrǵan qart áıeldi qutqarýǵa jedel kiristi. Ol úsh ıindi baspaldaqpen aldymen balalardy qaýipsiz jerge alyp shyqty. Sodan keıin jeke quramnyń kómegimen qart áıeldi evakýasııalady. Zardap shekkenderge alǵashqy medısınalyq kómek kórsetti», dep málim etti departamenttiń baspasóz qyzmetinen.
Al qutqarýshy Nursultan Jumaǵazıev 7 jeltoqsanda kópirden Jaıyq ózenine sekirgen júkti áıeldi qutqarýǵa belsene atsalysty. Bul áıeldi qutqarýǵa aldymen polısııa qyzmetkerleri qaıyqpen jetken edi. Biraq áıelge alǵashqy kómek qajettigi týyndady.
Nursultan Jumaǵazıevtiń jasy – 22-de. Azamattyq qorǵaý salasyna úsh jyl buryn jumysqa ornalasypty. H.Dosmuhamedov atyndaǵy Atyraý ýnıversıtetin quqyqtanýshy mamandyǵymen bitirgen. Al 27 jastaǵy Asylanbek Qumar – Reseı Federasııasy Tótenshe jaǵdaılar mınıstrligi akademııasynyń túlegi.
Atyraý oblysy
