Zań jobasyn qabyldaýdyń maqsaty aglomerasııalardy damytýdy keshendi quqyqtyq retteýdi qamtamasyz etý jáne «Aglomerasııany damytý týraly» Zańdy iske asyrý, onyń ishinde:
- Aglomerasııalardy qalyptastyrý jáne olardyń jumys isteýi úshin quqyqtyq jáne uıymdastyrýshylyq jaǵdaılar men tetikter jasaý;
- Aglomerasııalardy josparlaýdy, úılestirýdi jáne qarjylandyrýdy jaqsartýǵa baǵyttalǵan quqyqtyq jáne retteýshilik reformalardy júrgizý arqyly aglomerasııalardy damytý tıimdiligin arttyrý;
- Aglomerasııalardy damytýǵa járdemdesý maqsatynda qala qurylysy/ekonomıkalyq ıntegrasııa prosesi men ákimshilik shekaralar, sondaı-aq ókilettikter arasyndaǵy sáıkessizdikti joıý;
- Aglomerasııalardy damytý bóliginde jergilikti atqarýshy organdar arasyndaǵy úılestirý men ózara is-qımyldy jaqsartý.
Zań jobasy aglomerasııany damytýǵa baılanysty qoǵamdyq qatynastardy retteıdi.
Búginde Nur-Sultan, Almaty, Shymkent jáne Aqtóbe qalalarynda ortalyqtary bar tórt aglomerasııada el halqynyń 36%-y turady. Aglomerasııa ortalyqtarynda eldiń jalpy ishki óniminiń shamamen úshten biri óndiriledi. Aglomerasııalar úlesine elge tartylatyn sheteldik ınvestısııalardyń 60%-dan astamy tıesili.
Zań jobasyn ázirleýshilerdiń aıtýynsha, qazir Qazaqstanda aglomerasııalarǵa baılanysty mindetterdiń, esep berý tetikteriniń jáne basqa ınstıtýsıonaldyq tetikterdiń arnaıy bólinýi joq.
Sondaı-aq búginde jergilikti bıýdjetterdiń ózara qarym-qatynasyna jol berilmeıtini aıtylady. Sonymen qatar aglomerasııalar bastamalary úshin qarjylandyrý kózi, sondaı-aq Respýblıkalyq mańyzy bar qalalar men elordanyń jáne irgeles oblystardyń ákimdikterine aglomerasııalar aýmaǵyndaǵy áleýmettik jobalardy birlesip qarjylandyrý múmkindigi talap etiledi.
Mysaly, búgingi kúni Almaty qalasynyń qala mańyndaǵy aýdandarynda jalpy bilim beretin (52 myń adam) jáne mektepke deıingi (8 myń adam) mekemelerde oqýshy oryndarynyń tapshylyǵy bar. Almaty oblysynyń qala mańyndaǵy aýdandarynyń turǵyndary qalanyń áleýmettik nysandaryn paıdalanady, sol arqyly Almaty ákimdiginiń bıýdjetine júkteme artady.
Zań jobasy 14 qańtarǵa deıin «Ashyq NQA» saıtynda jarııa talqylaý úshin ornalastyrylǵan.
