Reseıdiń Orynbor oblysynda týyp-ósken qazaq sportshysy úshin bul UFC-degi besinshi básekesi bolmaq. Buǵan deıin Damır Aýstralııada Aleks Gordjıs, Chehııada Hoel Alvares, Qytaıda Tıagý Moızes jáne Amerıkada Rafael Alvısten aılasyn asyrdy. Osydan dál eki aı buryn qandasymyz Birikken Arab Ámirlikteriniń Ábý-Dabı qalasyndaǵy jarysta reseılik Magomed Mustafaevpen kúsh synasýǵa tıis edi. Alaıda ol artyq salmaǵynan aryla almaı, sonyń saldarynan bul jekpe-jek ótpeı qaldy.
Damır Ismaǵulovtyń qarsylasy jaıynda aıtar bolsaq, 26 jastaǵy Nasrat Hakparasttyń ata-anasy kezinde Aýǵanstannan Germanııaǵa qonys aýdarǵan. Sportshynyń ózi Gambýrg qalasynda dúnıege keldi. Alǵashynda kıkboksty serik etken ol 2012 jyldan beri aralas jekpe-jekte baq synaýda. Sol aralyqta 17 ret oktagonǵa shyqqan Hakparast 13 básekeni óz paıdasyna sheshti. 9 kezdesýdi merziminen buryn aıaqtady.
