«Bıyl biz 17 mln sharshy metr turǵyn úı nemese 163 myń turǵyn úı salýdy qamtamasyz etýimiz kerek. Aldyn ala derekter boıynsha, 26 jeltoqsandaǵy jaǵdaı boıynsha 16 mln sharshy metrden astam turǵyn úı paıdalanýǵa berildi. Turǵyn úı qurylysy qarqynynyń artýy ótken jylmen salystyrǵanda 12 óńirde baıqalady», dedi Beıbit Atamqulov Úkimet otyrysynda.
Mınıstr qurylys jumystarynyń kólemi týraly baıandady. Onyń aıtýynsha, eldiń JIО́-degi qurylys salasynyń úlesi 2020 jyldyń qorytyndysy boıynsha 6,1%-dy quraıdy, al boljamdy derekter boıynsha 2021 jyldyń qorytyndysy boıynsha 6,25% kútilýde.
«2021 jyldyń 11 aıynyń qorytyndysy boıynsha qurylys jumystarynyń kólemi 4,6 trln teńgege oryndaldy, bul 2020 jyldyń deńgeıinen 6,2%-ǵa joǵary», dep atap ótti mınıstr.
