Kezdesýde taraptar túrki elderi yntymaqtastyǵy aıasynda atqarylyp jatqan jumystardy talqylap, aldaǵy josparlar týraly pikirlesti.
Mártebeli meıman Atalar Atamoglanov Túrki Akademııasy júzege asyryp jatqan jobalarǵa rızashylyǵyn bildirip, uıymnyń jumystaryna tabys tilep, ıgi bastamalarǵa qoldaý kórsetetinin jetkizdi.
О́z kezeginde Akademııa basshysy Darhan Qydyráli Ázerbaıjan elshisine Akademııaǵa arnaıy kelgenine alǵys aıtyp, kele jatqan Jańa jylymen jáne 31 jeltoqsan – Álem ázerbaıjandarynyń yntymaqtastyq kúnimen quttyqtady.
Darhan Qydyráli Ázerbaıjan elshisine Túrki Akademııasy ázirlep shyǵarǵan Nızamı Gánjaýıdiń qazaq tiline aýdarylǵan «Jeti arý. Leıli-Májnún» dastany men Álisher Naýaıdiń ázerbaıjan tilinde jaryq kórgen tańdamaly shyǵarmalyryn tanystyryp, tartý etti.
Sonymen qatar, Darhan Qydyráli Akademııa 2022 jyly Hýseın Djavıd pen Ahmad Djavad syndy ázeirbaıjan halqynyń uly tulǵalarynyń mereıtoılaryn joǵary deńgeıde atap ótýdi josparlap otyrǵanyn aıtty.
Aıta ketý kerek, Akademııa bıyl Ystanbul qalasynda ótken Halyqaralyq Túrki akademııa Ǵylymı keńesiniń IV otyrysynda Túrki álemindegi 2021 jylǵy ataýly kúnderdiń tizimine Túrki halyqtary ádebıetiniń klassıkteri Nızamı Gánjaýıdiń týǵanyna 880 jyldyǵyn, Álisher Naýaıdyń týǵanyna 580 jyldyǵyn jáne Iýnýs Emreniń dúnıeden ótkenine 700 jyldyǵyn atap ótý jospary da engizilip, osy baǵytta birqatar aýqymdy sharalardy iske asyrdy.
