Shyǵys Qazaqstan oblysynyń Bas memlekettik sanıtarlyq dárigeriniń jańa qaýlysy jarııalandy. Qaýlyǵa sáıkes, óńir boıynsha karantın 12 qańtarǵa deıin uzartyldy. Shekteý sharalarynyń merzimi oblys aýmaǵynda koronavırýs ınfeksııasynyń taralýy boıynsha ahýaldyń ózgerýine sáıkes qaıta qaralýy múmkin.
Búginde ınfeksııa juqtyrǵan naýqastardy emdeýge arnalǵan stasıonarlardaǵy tósek qorynyń toltyrylý deńgeıi - 9,6%. Oblys boıynsha ınfeksııanyń reprodýktıvtik R sany – 1,067.
Osy rette, ShQO Sanıtarlyq-epıdemıologııalyq baqylaý departamenti halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylarynda kórsetilgen shekteýlerdi qatań saqtaýǵa shaqyrady.
