IMAMDAR JÁNE IMANDYLYQ

Bas múftı, sheıh Ábsat­tar qajy Derbisáli hazret Al­matyda Nur-Múbárak ýnıver­sıtetin ıslamtaný mamandyǵy boıynsha bıyl bitiretin tú­lek­terdi qyzmetke bóldi. 2001 jyly 1 qyr­kúıekte stýdent­terge esigin ashqan respýblı­­ka­daǵy bir­den-bir joǵary bilimdi din mamandaryn daıarlaıtyn oqý ornynda fıhq (musylman zańy), aqıda (dinı senim), qasıetti Quran ilimderi, ıslam fılosofııasy, arab tili, arab mádenıeti tilin oqytý ádiste­me­si sekildi t.b. pánderden egıpettik jáne qazaqstandyq professorlar dáris oqydy. Kúni búginge deıin osy oqý orny elimiz óte muqtaj 150 ımam­dar daıarlap, qyzmetke attandyrdy. Al bıyl ýnıversıtetten atal­mysh mamandyq boıynsha 40 stýdent dıplom almaq. Sonyń ekeýi qazirdiń ózinde ımamdyq qyzmetti qosa atqaryp júr. Túlekterdiń deni Almaty, Pavlodar, Qaraǵandy, Taldyqorǵan qalalary, Almaty, Shyǵys Qazaq­stan, Batys Qazaq­stan, Mańǵystaý, Atyraý, Ońtústik Qazaqstan oblystaryna ımamdyq qyzmetke jiberiletin boldy. Ýnıversıtetti 5 úzdik bitirýshige oqý orny janyn­daǵy magıstratýraǵa qujattaryn tapsyryp, baǵyn synaý múmkindigi jasaldy. Ýnıver­sıtet qabyrǵasyn­da múbarak Quran­dy tolyq jattap, shetelder­degi qasıetti Quran jarystaryna qatysyp júrgen úzdik shákirt Qurmet Smaǵulov Nur-Múbárak ýnıversıtetine qyzmetke qal­dyryldy. Dinbasy Nur-Múbárak Egıpet Islam mádenıeti ýnıversıtetin bitirýshi shákirtterdi jeke-jeke qabyldap, suhbattasty. Sóıtip, elimizdiń bar aımaǵyna bolashaq ımamdardy jiberýge sheshim qabyldady. Bas múftı stýdentterge respýb­lı­kada atqarylyp jatqan dinı jumystar, ımam qandaı bolý ke­rek, din qyzmetiniń jaýapker­shiligi, ıslamı ǵylym, bilim týraly áńgimelep, aqyl-keńester berdi. Dinbasy sondaı-aq, elimizde 2007 jyly ashylǵan “Astana” jáne Shymkent medreseleriniń tuń­ǵysh túlekterimen de kezdesti. Ushy­rasýdyń maqsaty – túlekter bilimin tekserip, joǵaryda aıtyl­ǵandaı qyzmetke bólý. Aldymen ol Shymkent medresesiniń shákirt­teri­men kezdesti. Ońtústiktik bola­shaq ımamdar da, oblystarǵa atta­na­tyn boldy. Bir aıta ketetin jáıt, QMDB men Monǵolııa dinı basqarmalary ózara yntymaqtastyq kelisimi negizinde kelgen 2 shákirt óz eline jiberildi. Dinbasy “Astana” medresesiniń de alǵashqy bitirýshilerimen kez­desti. Olar da elimizdiń ár aımaǵy­na ımamdyq qyzmetke bólindi. Shákirtterdiń basym bóligi atal­­­mysh oqý oryndaryn “óte jaq­sy”, “jaqsy” degen baǵamen tá­mám­­daǵan. Atap aıtar bolsaq, Shym­kent medresesiniń 41 túleginiń 20-sy “óte jaqsy”, al 10-y “jaqsy” degen baǵa alǵan eken. Al Astana medre­sesin 24 shákirt bitirse, solar­dyń 7-ýi “óte jaqsy”, al 10-y “jaq­sy” degen baǵaǵa ıe bol­ǵan. Atap óterlik jáıt, bar­lyq túlekter arab tiliniń gram­ma­tıkasyn oıdaǵydaı meńger­gen, qasıetti Qurandy da jaqsy oqıdy. Úsh oqý orny túlekteri arasynda qasıetti Qurannyń biraz bóligin jaqsy biletinder kóp bop shyqty. Bir sózben aıt­qanda, bolashaq din qaırat­kerleri kóńilden shyqty. Bul rýhanı ómirimizdegi este qalarlyq eleýli oqıǵa boldy. Dinbasy, sheıh Ábsattar qajy Derbisáli hazret oblys­tardaǵy ókil ımamdarǵa jaýap­ty qyzmetke attanǵaly otyr­ǵan bilimdi jas maman­darǵa tıisinshe jaǵdaı jasap, halyqpen qalaı tyǵyz qa­rym-qatynas ornatý joldary men júıeli jumys jasaý ádisterin úıretip, qolǵabys etýdi tapsyrdy. Sóz sońynda Bas múftı medrese basshylaryna alǵysyn bildire kele, alǵashqy túlekterge el ynty­maǵy men birligin nyǵaıtýǵa, asyl dinimizdiń órkenıetti jolmen keń qanat jaıýyna aıanbaı qyzmet ete berýge degen tilektestigin jet­kizdi. Sóz sońynda Elbasy men el qa­myn­da júrgen azamattary­myzǵa aman­dyq tilep, Alla taǵala elimizge abyroı, aýyzbirlik, beıbitshilikti násip etkeı dep bata berdi. “Egemen-aqparat”.