Atalǵan jarystyń basty básekesinde jeńil salmaqtaǵy Qazaqstannyń qos sportshysy – Eldar Qudaıbergenov (4-0) pen Serikbaı Hodjabaev (11-5) atalǵan lıganyń altyn belbeýi úshin talasty. Bes raýndqa sozylǵan óte shıelenisti tartysta alǵashqysy upaı sanymen jeńiske jetti. Nátıjesinde, chempıondyq belbeý Eldarda qaldy. Taǵy bir basty jekpe-jekte Asý Almabaev (14-2) brazılııalyq Kaıka Alenkaramen (10-2) kúsh synasty. Bastapqyda ekeýi de ekpindi kóringenimen ýaqyt oza qandasymyz tizgindi óz qolyna aldy. Úshinshi raýndta Asý qarsylasyn uryp jyqty. Sóıtip Alenkara óziniń sporttyq karerasynda ekinshi ret qazaq sportshysynan jeńildi. Aldyńǵy jyly ol Arman Áshimovten taıaq jegen bolatyn.
О́zge qyzyqty básekeler jaıynda aıtar bolsaq, Fanıl Rafıkov qyrǵyzstandyq Qanybek Jánibekulyn ekinshi raýndta nokaýtqa jiberse, Bolat Zamanbekov ózbekstandyq Shýkýrýllo Mashrapovty birinshi kezeńde qylqyndyrý ádisimen jeńdi. Aıbolat Muratulyna grýzııalyq Soslan Gasıevıden basym túsý úshin sanaýly mınýt jetkilikti boldy. Sondaı-aq UFC-de óner kórsetip júrgen Shavqat Rahmonovtyń týǵan qaryndasy Sora О́zbekstannan kelgen Hılola Sobırovany sabap tastady.
